Një atentat me bombë ndaj njerëzve të presidentit rus Vladimir Putin ka ndodhur në rajonin e Melitopolit në Ukrainë, i cili ndodhet nën pushtimin rus.
Dy nga agjentët e shërbimit sekret të Vladimir Putinit janë plagosur rëndë nga një atentat me bombë në makinën e tyre në Melitopolin e pushtuar nga Rusia.
Një makinë Renault Duster u shkatërrua nga shpërthimi pranë parkut Gorky të qytetit, ndërsa dy personat që ishin në makinë u raportuan si operativë të FSB-së, të dy të plagosur rëndë nga shpërthimi.
“Raportohet se ishin dy oficerë të shërbimit të sigurisë në makinë”, raportoi kanali telegram WarGonzo.
Ata deklaruan se një prej tyre është plagosur rëndë dhe tjetri ka humbur gjymtyrët.
Vladimir Rogov, një zyrtar pro-Moskës në rajonin e pushtuar Zaporizhzhia, tha: Sipas informacionit paraprak, në orën 12:13 në qendër të qytetit në hyrje të Gorky Park, një Renault Duster u hodh në erë.”
