Negociatat mes Rusisë dhe Ukrainës duket se kanë ngecur, pa bërë asnjë përparim në përfundimin e luftës.
Ministri i Jashtëm francez, Jean-Yves Le Drian , ka deklaruar gjatë një interviste për France24 se negociatat mes Rusisë dhe Ukrainës nuk kanë avancuar, ndërsa shtoi se nuk ka shenja që Rusia të ketë ndryshuar pozicionin e saj.
Ai theksoi gjithashtu nevojën për një armëpushim në Mariupol, në mënyrë që të evakuohen civilët nga qyteti i rrethuar nën bombardimet ruse. Mariupoli është qyteti më i shkatërruar dhe me numrin më të madh të viktimave civile.
