TIRANË- Kryeministri Edi Rama ka shpjeguar se përse u shtynë 2 turet që kishte me emigrantët shqiptarë në Gjermani dhe Angli. Gjatë mbledhjes së Asamblesë së PS-së, Rama tha se turet me shqiptarët do të vazhdojnë në shtator në të dyja këto vendet. Por theksoi se janë duke u përgatitur dhe një takim me emigrantët shqiptarë në SHBA. Po ashtu Rama tha se zgjedhjet në Angli si dhe ndeshja e kombëtares në Gjermani, janë arsyet e shtyrjes së këtyre dy takimeve.
“Kemi zhvilluar dy takimet e para të trurit të dakordësuar për të takuar shqiptarët e Europës dhe jo vetëm. Në Greqi dhe në Itali, takimi nuk ka qenë thjesht një qëllim në vetvete, as thjesht një takim pa vazhdim, por ka qenë edhe një trokitje në derën e shqiptarëve të Europës, përtej mureve të sallës, ku ka filluar një punë domethënëse për të rienergjizuar tërësisht rrjetin e anëtarësisë dhe simpatizantëve të PS. Turi do të vazhdojë në shtator, për shkak të zgjedhjeve të parakohshme në Londër, u bë p[roblem marrja e sallës që kishim prenotuar më parë. Një një situatë zgjedhore, ishte normale të shmangnim një takim, sidoqoftë është takim politik. Po kështu, duke qenë se parashikimi apo përgatierja për të bërë takimin e Dyseldorfit, shumë afër me ndeshjen e skuadrës kombëtare, nuk donim të krjonim ide të përzierjes së dy gjërave. Në shtator do të marrim përsëri turin dhe do të zhvillojmë takimet e Gjermanisë dhe Mbretërisë së Bashkuar. Do përgatitemi për një takim në SHBA,” tha Rama.
Kryeministri Edi Rama ka deklaruar se arsyeja kryesore e mbledhjes së Asamblesë ditën e sotme është që të miratohen vendimet për Kongresin zgjedhor të PS-së që do të mbahet më 20 Korrik. Gjatë mbledhjes së sotme online, Rama tha se ata janë të inkurajuar pasi ka pasur një rritje domethënëse të anëtarësisë së PS-së.
“Arsyeja kryesore e kësaj mbledhje është që pas përfundimit të procesit të zgjedhjeve për kongresin, të miratojmë vendimin për thirrjen e kongresit të PS në 20 korrik. Aktualisht mund të jemi të inkurajuar nga fakti se në këtë proces kemi pasur një rritje të anëtarësisë aktive. Ndërkohë që kemi pasur edhe një pjesëmarrje domethënëse në zgjedhjet që u zhvilluan me parimin një anëtar një votë për delegatet e kongresit të ardhshëm të PS. Kemi 93 mijë anëtarë të regjistruar dhe të identifikuar si të tillë në territorin e Shqipërisë, pa llogaritur 7 mijë të tjerë që i janë bashkuar PS pas mbylljes së këtij regjistrimi. Nga 93 mijë anëtarë të regjistruar kemi pasur një proces me 79350 zgjedhës, pra rreth 78.6 e trupës së anëtarëve të regjistruar morën pjesë”, tha ai.
