Arsenali ka nisur kontaktet për të transferuar anësorin e Milanit, Rafael Leao, në një lëvizje surprizë për merkato verore. Sipas mediave britanike, klubi londinez ka realizuar bisedime fillestare me përfaqësuesit e Leao, duke shqyrtuar mundësinë e transferimit pas përfundimit të sezonit.
Leao do t’i hyjë dy viteve të fundit të kontratës së tij me Milanin në qershor, dhe drejtuesit italianë janë të hapur për një shitje në rast të një oferte të konsiderueshme. Gazetari Steve Kay ka raportuar se kuqezinjtë mund ta lëshojnë Leao për rreth 80 milionë euro. Interesi për 26-vjeçarin nuk është i kufizuar vetëm te Arsenali; edhe Manchester United ka shfaqur dëshirën për të.
Drejtori sportiv i Arsenali, Andrea Berta, raportohet se ka pasur biseda të drejtpërdrejta me kampin e lojtarit për të eksploruar mundësitë e transferimit. Rafael Leao iu bashkua Milanit nga Lille OSC në verën e vitit 2019 dhe është bërë një nga lojtaret kyç të skuadrës, duke shënuar 79 gola dhe regjistruar 64 asistime në 280 paraqitje në të gjitha garat.
Në sezonin aktual të Serie A, Leao është golashënuesi më i mirë i ekipit, duke ndarë kreun e renditjes me ish-sulmuesin e Chelsea, Christian Pulisic, me nga tetë gola në 18 paraqitje. Interesi për Leao vjen në një moment të rëndësishëm, duke vënë në diskutim të ardhmen e tij në Milano.
Transferimi i Leao do të ishte një goditje e rëndësishme për Arsenalin, që po kërkon të forcojë radhët e tij për t’u rikthyer në garat europiane me sukses. Klubi londinez duket se ka një avantazh të momentit në garën për këtë lojtar të talentuar, por do të duhet të veprojë shpejt për të siguruar shërbimet e tij para rivalëve.
