Chelsea pësoi një humbje të rëndë në javën e 9-të të Premier League, duke u dorëzuar në sfidën ndaj Sunderlandit. Ekipi i trajnerit Enzo Maresca arriti të kalonte i pari në avantazh, falë një goli të Garnachos në minutën e 4 të takimit. Megjithatë, Sunderland barazoi shifrat me një gol të Isidor në minutën e 22. Dramën e ndeshjes e përfundoi Talbi, i cili, në minutat e fundit të takimit, shënoi golin e fitores për miqtë, duke i çuar ata në vendin e dytë të renditjes.
Ndërkohë, në ndeshjen tjetër, Newcastle triumfoi me rezultatin 2-1 përballë Fulham. Një gol i Murphy në minutën e 18 dhe një tjetër i Bruno Guimaraes në minutën e 90 e siguruan fitoren për Newcastle, ndërsa Fulham arriti të shënojë një gol të vetin me Lukic në minutën e 56.
Rezultatet e ndeshjeve për këtë javë janë:
- Chelsea 1-2 Sunderland: Garnacho 4’, Isidor 22’, Talbi 90+3’.
- Newcastle 2-1 Fulham: Murphy 18’, Bruno Guimaraes 90’, Lukic 56’.
