Arrestohet në Durrës anëtari i bandës së Gaxhait. Armando Sulejmani është arrestuar nga policia e Durrësit mbrëmjen e djeshme.
Burime nga policia thonë se ai është ndaluar teksa ishte duke lëvizur me automjet të vjedhur gati për atentat. Ai akuzohet për vjedhje të automjeteve që dyshohet se përdoreshin për vrasje.
Armando Sulejmani, i njohur me nofkën “Çipuri”, u qëllua në 2016 nga dy persona, duke u plagosur.
Ngjarja në atë kohë ndodhi në hyrje të pallatit ku Sulejmani banonte.
Kush është Armando Sulejmani?
Armando Sulejmani nga Vlora, të njohur edhe me nofkën “Çipuri”, i është bërë një atentat në muajin maj të vitit 2016, në hyrje të banesës së tij në lagjen “Pavarësia” në Vlorë. Ai u qëllua me 11 plumba, por shpëtoi duke u plagosur vetëm me një plumb në krah.
“Çipuri” njihet si anëtar i bandës së Gaxhait, të akuzuar për konfliktet e tyre me familjen Llanaj. Llanajt dhe Gaxhajt kanë një sagë hakmarrje dhe ngjarje kriminale mes tyre, derisa në vitin 2015, ndodhi masakra e Çoles, ku pas një sherri në kazino u vranë 3 të rinj. Një nga të arrestuarit për masakrën është Aleksandër Llanaj, vëllai i Ferdinand Llanajt. Ferdinandit iu bë një atentat mafioz në viti. 2017 dhe i dyshuari kryesor ishte Armando Sulejmani, shënjestra e atentatit të sotëm.
Armando Sulejmani ka qenë i dënuar për vrasje me 20 vite dhe është liruar në rrethana të paqarta rreth 3 vite më parë. Ndërkohë që një muaj më parë, një atentat mafioz iu bë Mikel Mehmetit, nga Selenica e Vlorës i njohur si anëtar i bandës së Llanajve.
