Si rezultat i veprimeve të mirëorganizuar të policisë, është finalizuar operacioni “Skajet” nga shërbimet e Komisariatit të Policisë Nr. 3, pas marrjes së indikacioneve në rrugë informative. Gjatë këtij operacioni, është arrestuar Klodjan Gjikdhima, 43 vjeç, i dënuar nga Gjykata e Tiranës me 5 vjet burgim për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Falsifikimi i dokumenteve”.
Gjikdhima kishte qenë arrestuar nga Policia e Tiranës në vitin 2023, në kuadër të operacionit “Speciali”, për faktin se lëvizte i armatosur me një pistoletë të ngarkuar dhe prezantohej si punonjës i forcave speciale të Policisë me dokumente të falsifikuara. Pas dënimit, ai duhet të vuajë 1 vit, 8 muaj e 15 ditë burgim.
Gjithashtu, në këtë operacion u arrestua edhe Arsen Qose, 42 vjeç, pasi goditi me grusht drejtuesin e taksisë me të cilin lëvizte, duke e mashtruar se do të sillte pagesën për udhëtimin. Nga verifikimet e mëtejshme, rezultoi se Qose ishte nën masë sigurie “Arrest në shtëpi” për veprën penale “Dhuna në familje”.
Ky operacion tregon angazhimin e Policisë për të vënë në zbatim ligjin dhe për të parandaluar krimin në këtë zonë.
