Një operacion i policisë në Korçë, mbrëmjen e djeshme, rezultoi në arrestimin e Andi Qeraxhi, 31 vjeçar, i njohur për precedentë penalë. Gjatë kontrollit në një lokal të qytetit, policët zbuluan se ai kishte armë zjarri pa leje.
Qeraxhi ka një histori kriminale, ku përfshihet në ngjarje të ndryshme, përfshirë një incident të vitit 2017, kur qëlloi me kallashnikov në drejtim të një lokali nate në periferi të Korçës. Ai gjithashtu është i lidhur me aktivitete të jashtligjshme të trafikimit të lëndëve narkotike.
Policia ka referuar materialet procedurale në Prokurorinë e Korçës për hapat e mëtejshëm, duke vazhduar hetimet për të dokumentuar plotësisht rastin.
