Sekretari i Përgjithshëm i Partisë së Lirisë Tedi Blushi, ka kujtuar sot 105 vjetorin e Tiranës si “kryeqytet i Lirë nga uzurpatori dhe armiku i saj më i egër”, ndërsa thekson se ka ardhur koha për drejtësi të vërtetë.
Në në postim në rrjetet sociale, Blushi shkruan se nuk mund të mashtrohet qytetari duke zhvendosur vëmendjen me fustane, këpucë dhe bizhuteri, ndërsa vjedhja dhe krimi institucional mbeten të pandëshkuara, referuar arrestimit të djeshëm të kryebashkiakut të Tiranës Erion Veliaj.
“Drejtësia e vërtetë nuk mund të jetë një farsë e regjizuar! Amnistimi i një grabitësi të pasurisë publike është turp dhe bashkëfajësi!
Boll më “Drejtësi me Regji”! Është koha për ndëshkim real!”, shkruan Blushi.
Reagimi:
Sot, Tirana feston 105-vjetorin si kryeqytet i Lirë nga uzurpatori dhe armiku i saj më i egër. Por çlirimi nuk mjafton! Krimet e rënda nuk mund të harrohen, dhe drejtësia nuk mund të jetë selektive!
Erion Veliaj duhet të hetohet dhe ndëshkohet për:
Vrasjen e Ardit Gjoklajt dhe mbulimin e përgjegjësisë
Aferën korruptive kriminale të inceneratorit që nuk ekziston.
Organizatën kriminale 5D që zhvati taksat e qytetarëve
Betonizimin e Tiranës me kullat e drogës dhe shkatërrimin e çdo hapësire të gjelbërt.
Barbarinë ndaj trashëgimisë historike dhe kulturore, shembjen e Teatrit Kombëtar.
Nuk mund të ketë amnisti për hajdutin, delinkuentin dhe shkatërruesin më të madh në historinë e Tiranës!
Nuk mund të mashtrohet qytetari duke zhvendosur vëmendjen me fustane, këpucë dhe bizhuteri, ndërsa vjedhja dhe krimi institucional mbeten të pandëshkuara.
Drejtësia e vërtetë nuk mund të jetë një farsë e regjizuar! Amnistimi i një grabitësi të pasurisë publike është turp dhe bashkëfajësi! Boll më “Drejtësi me Regji”! Është koha për ndëshkim real!
