Ministri izraelit i Mbrojtjes, Israel Katz, paralajmëroi Hamasin për “çmimin e rëndë” që do të paguajë për çdo sulm ndaj ushtarëve izraelitë, si dhe për çdo shkelje të armëpushimit në Gaza. Pas sulmeve ajrore të ushtrisë izraelite drejt pozita të Hamasit, Katz theksoi angazhimin e IDF për të mbrojtur ushtarët e saj.
Një oficer i ushtrisë izraelite theksoi se ka mundësi për sulme të tjera në përgjigje të asaj që ai e përshkroi si shkelje të armëpushimit nga Hamas. Ai raportoi tre incidente gjatë ditës ku ushtarë të Hamasit qëlluan ndaj forcave izraelite, konkretisht në zonat e Rafahut dhe Beit Lahiës, nga ku ushtria izraelite ishte tërhequr.
Gjithashtu, IDF përsëriti paralajmërimin për palestinezët në Rripin e Gazës, duke i kërkuar të shmangin zonat nën kontrollin izraelit dhe të mos i afrohen trupave izraelite. Zëdhënësi arabishtfolës i IDF, Avihai Andrai, njoftoi se ushtria do të reagojë me forcë ndaj infrastrukturës dhe elementëve të Hamasit për shkak të shkeljeve të vazhdueshme të armëpushimit. Ai paralajmëroi banorët që të qëndrojnë në anën perëndimore të “Vijës së Verdhë” për sigurinë e tyre.
Raportet nga autoritetet lokale shëndetësore në Gaza njoftuan se të paktën 11 persona humbën jetën si rezultat i sulmeve ajrore dhe zjarrit të artilerisë izraelite. Kryeministri izraelit Benjamin Netanyahu, pas këtyre ngjarjeve, urdhëroi IDF dhe shërbimet e sigurisë për veprime të forta ndaj objektivave terroriste në Gaza, duke e akuzuar Hamasin për shkelje të marrëveshjes së armëpushimit. Urdhri u dha pas konsultimeve me ministrin e Mbrojtjes dhe krerët e shërbimeve të sigurisë.
Kjo situatë tensioni vazhdon të krijojë një atmosferë të pasigurt dhe ndihmon në rritjen e dhunës në rajon.
