Një skandal i madh është duke ndodhur në futbollin e moshave që pritet se do ngrejë në protesta të gjithë aktorët e futbollit të moshave në të gjithë Shqipërinë. Armando Duka duket se në fillim të mandadit të tij të gjashtë ka vendosur që të shkatërroj dhe të shkelmoj futbollin e fëmijëve në Shqipëri dhe ideator për rrënimin e futbollit të mosha është mentori i tij Koço Kokëdhima ose siç e thërrasin ndryshe “Djalli”.
Kokëdhima ishte njeriu që frymëzonte Edi Ramën dhe pasi u bë kryeministër, Rama me bekimin e Koços po i vë shkelmin Shqipërisë, tashmë “Djalli” Koço po inspiron Dukën që të shkatërroj përfundimisht futbollin në Shqipëri duke fshirë nga gara akademitë e futbollit me investime miliona euro si ajo e Redi Jupit, që e kanë zili edhe në vendet evropiane.
Federata Shqiptare e Futbollit e cila si gjithmonë informacionin nuk e publikon, ka vendosur të ndryshojë gjithçka në fubollin e moshave duke goditur të gjitha shoqatat të cilat i dolën kunder Armando Dukës në zgjedhjet për kreun e ri të federatës.
Superliga e moshave do të jetë vetëm me një grup dhe Kategoria e parë po ashtu. Shumë ekipe të tjera do të luajnë në kampionatët rajonale duke hedhur poshte gjithë investimin e akademive të cilat me një te rënë të lapsit nuk mund të marrin më pjesë në kampionatet kombëtare.
Goditje të fortë kanë marr ekipe si Flamurtari, Fotball Republic e Redi Jupit, Pepa e cila ishte kampione e Shqiperisë me grup-moshat U-17 dhe tani do luaj në kategorinë rajonale.
Ish futbollisti i njohur i kombëtares shqiptare dhe një prej drejtuesve të akademisë sportive më model në Tiranë, Redi Jupi, ka dal kundër skemës skandaloze që FSHF po planifikon të aplikojë, e cila penalizon shumë akademi dhe vret ëndrrën e shumë të rinjve për tu marrë me futboll.
Përmes një postimi, Redi Jupi, u bën thirrje të gjithë dashamirësve të futbollit që të bllokojnë këtë nismë të turpshme të FSHF që përjashton nga pjesëmarrja shumë skuadra që e kishin fituar këtë të drejtë për merita sportive dhe i zëvendëson ato me skuadra të akademive të caktuara, kryesisht të njohura si të përkëdhelurat e kupolës së FSHF.
Ja mesazhi i plotë i Redi Jupit.
