Opozita ka njoftuar sot një protestë pas bashkimit të dy fraksioneve më të mëdha të PD-së që kishin në krye Sali Berishën dhe Gazment Bardhin, ndërkohë që kanë njoftuar se do të marrin pjesë edhe partitë e tjera.
Protesta u njoftua fillimisht nga Berisha në kuadër edhe të përvjetorit të rrëzimit të bustit të diktatorit Enver Hoxha, ndërsa gjithçka ndodh teksa lideri i demokratëve ndodhet prej disa javësh në arrest shtëpie.
Deputetë të PD kanë paralajmëruar edhe pjesëmarrjen e Berishës në protestë, gjë që do të thyente vendimin e GJKKO-së, megjithatë pritet të shihet se ç’do të ndodhë gjatë orëve të pasdites.
PD dhe aleatët kanë protestuar përherë gjatë shkurtit kur kanë qenë në opozitës. Intensiteti i reagimit të protestuesve ndaj policisë, Gardës apo institucioneve qeveritare ka variuar sipas situatës politike në vend.
VizionPlus sjell pamjet e një proteste të ngjashme më datë 8 shkurt të vitit 2004 të opozitës së kohës, e cila po ashtu si sot u mblodh pata godinës së Kryeministrisë. Në atë kohë pati përplasje fizike me Gardën e Republikës duke bërë që kjo e fundit të qëllojë me breshëri automatiku në ajër për të zmbrapsur turmën. Pas protestës, policia vendosi të rrethojë godinën me panele metalike.
Pak më shumë se një vit më pas, opozota do të vinte në pushtet në zgjedhjet e verës së vitit 2005.
Për më tepër, ndiqni pamjet e sjella nga VizionPlus! Po ashtu ju ftojmë të frekuentoni kanalin tonë në Youtube ku në një Playlist-ë të posaçme do të gjeni edhe kronikat e dy dekadave më parë.
