Ardi Veliu ka dhënë dorëheqjen nga drejtimi i Agjencisë së Mbikqyrjes Policore. Kështu shkruan “Vizion Plus”, që thekson se kreu i AMP-së ka dorëzuar dorëheqjen tek ministri i Brendshëm.
Deri tani nuk dihen ende arsyet që e kanë çuar Veliun drejt këtij vendimi. Veliu e mban këtë post prej gati një viti. Më herët ai ka qenë zv/ ministër i Infrastrukturës ndërsa ka mbajtur edhe postin si drejtor i përgjithshëm i Policisë së Shtetit.
