Aktori i njohur Arben Derhemi ka reaguar ashpër ndaj Ermal Mamaqit pas komenteve ofenduese që ky i fundit bëri ndaj aktorëve dhe kineastëve të mëparshëm.
Në një postim në rrjetet sociale, Derhemi e cilësoi Mamaqin një “pseudo humorist” dhe “producent filmash”, duke e akuzuar për ofendimin e figurave që kanë kontribuar me sakrifica në art dhe kulturë.
Sa me dhimbje lexojmë që pseudo humoriste bëhen “producentë filmash” dhe akoma me më dhimbje i dëgjojmë që ofendojnë figura që me aq sakrifica e pune, ia kanë dalë të bëjnë art në kohët më të vështira, jo duke u zvarritur si larva dhe duke lëpirë e bërë lolo të çdo lloj pushteti e pasunari…….. Ps. U ulen malet u ngritën halet”, shkruan ai.
Reagimi i Derhemit erdhi pas komenteve të Mamaqit që i quajti “pijanecë” kineastët e mëparshëm dhe pas kritikave të tij ndaj aktorëve që nuk i pëlqen të përfshihen në industrinë e filmit dhe teatrit, duke theksuar se shumë prej tyre nuk kanë lidhje me artin e vertetë.
“Fatkeqësia e ndjek edhe televizionin edhe filmin. Jo më larg se para ca kohësh, patëm një event të çuditshëm d.m.th, u shkul e gjithë Shqipëria! S’e merr vesh njeri. Bën film një njeri, i cili nuk ka lidhje fare me teatrin, me regjinë me aktrimin. Bën film dhe ti vetëm kur dëgjon nga dikush: Ore, sa bukur, e ke parë atë filmin?”, shkruan Arben Derhemi.
