Al Ittihad ka vendosur të nxjerrë në shitje Mario Mitajn gjatë merkatos së dimrit, sipas një njoftimi nga një gazetar në Arabinë Saudite. Ky vendim erdhi pavarësisht që mbrojtësi 22-vjeçar ka një kontratë në fuqi deri në verën e vitit 2028.
Gjatë sezonit aktual, Mitaj ka marrë pjesë në 16 ndeshje zyrtare me Al Ittihad, ku ka shënuar një gol dhe ka dhënë dy asistime. Në total, ai ka kaluar më shumë se 1,300 minuta në fushë.
Futbollisti shqiptar iu bashkua Al Ittihad në shtator të vitit 2024, fillimisht si i huazuar nga Lokomotiv Moska, dhe më pas klubi saudit aktivizoi opsionin e blerjes për rreth 4 milionë euro. Aktualisht, mbetet për t’u parë se ku do të transferohet Mitaj, nëse largimi i tij zyrtarizohet gjatë kësaj merkatoje dimërore.
