Sot, Tirana shënoi hapjen e procesit mësimor për nxënësit e qytetit, me Kryetaren e komanduar Anuela Ristani që ishin prezent në shkollën “Kosova”. Ristani uroi nxënësit për fillimin e vitit të ri shkollor dhe inspektoi përfundimin e një rruge të re, e cila do të shërbejë si një fasilitet për fëmijët.
Ajo theksoi angazhimin e Bashkisë së Tiranës për të mbështetur mësuesit dhe nxënësit, duke nënvizuar rëndësinë e projekteve që përmirësojnë sigurinë e fëmijëve gjatë udhëtimit në shkollë. “Kemi përfunduar një rrugë fantastike që do të ndihmojë në sigurinë e qarkullimit të fëmijëve. Kjo rrugë bëhet e mundur për të lehtësuar kalimin dhe për të shmangur bllokimin e trafikut para dhe pas shkollës,” shpjegoi ajo.
Bashkia e Tiranës ka planifikuar ndërhyrje në rreth 20 rrugë të tjera pranë shkollave, si pjesë e një inisiative të financuar nga Bloomberg për infrastrukturën e biçikletave. Ristani gjithashtu shpjegoi se ky projekt u miratua krahas 100 qyteteve të tjera dhe shumë prej rrugëve janë realizuar vitet e fundit për të përmirësuar kushte për nxënësit.
Këtë vit, disa prej rrugëve të rinovuara përfshijnë ato pranë shkollave “Gjon Buzuku” dhe “11 Janari”, tani “Edith Durham”, e cila gjithashtu do të ketë infrastrukturën e saj. Ristani shprehu kënaqësinë për feedback-un pozitiv nga prindërit që shoqëruan fëmijët sot.
Ajo përfundoi duke falenderuar qytetarët për mbështetje dhe theksoi disa karakteristika të veçanta të rrugës së re, si semaforët në nivel syri dhe kalimet e sigurta, duke e quajtur atë një nga kryqëzimet më të sigurta në Tiranë. Ristani mbylli fjalën e saj duke uruar suksese për ditën e parë të shkollës dhe për vitin e ri shkollor.
