Antibiotiket janë të rëndësishëm për trajtimin e bakterieve të dëmshme që rrezikojnë shëndetin, por përdorimi i tyre ka efekte të dëmshme edhe mbi bakteriet e mira në zorrët e njeriut. Një studim i kryer nga Universiteti i Upsalas në Suedi, i publikuar në revistën Nature Medicine, tregon se antibiotikët shkaktojnë ndryshime të qëndrueshme në mikrobiomën intestinale, madje edhe pas shumë vitesh nga përdorimi i tyre. Edhe një kurë e vetme mund të ketë efekte afatgjata.
Përpara këtij studimi, ishte identifikuar një lidhje midis përdorimit të tepërt të antibiotikëve dhe rritjes së rrezikut për sëmundje si diabeti i tipit 2 dhe infeksionet gastrointestinale. Të dhënat e studimit u mbështetën në një analizë të mbi 15,000 individëve, duke krahasuar mikrobiomën e atyre që kishin marrë antibiotikë me ata që nuk kishin përdorur këto barna. Efektet ndryshonin në varësi të llojit të antibiotikut të përdorur.
Rezultatet treguan se disa antibiotikë, si klindamicina, fluorokinolonet dhe flucloxacileni, shkaktojnë ndryshime më të mëdha dhe më të qëndrueshme në mikrobiomë, ndryshe nga penicilina V, që ka efekte më të vogla dhe afatshkurtra. Autorët e studimit nënvizuan rëndësinë e përdorimit të antibiotikëve vetëm sipas rekomandimit të mjekëve, duke marrë parasysh rreziqet që ata mund të sjellin për shëndetin e zorrëve.
Kjo hulumtim thekson nevojën për të rishikuar përdorimin e antibiotikëve në mënyrë të mençur dhe për të kuptuar më mirë pasojat e mundshme që ndjen të gjithë ata që i përdorin, që nga ndryshimet e përhershme në mikrobiomën intestinale deri te rritja e rrezikut ndaj sëmundjeve të tjera.
