Sot në portin e Durrësit është ankoruar anija ‘Moliva’ me mbetjet që dyshohet se janë toksike. Prokuroria e Durrësit kërkoi mbajtjen e 102 kontejnerëve në një vend të sigurt, larg nga zonat e banuara, të ruajtura mirë dhe me kushte sigurie fizike dhe shëndetësore, teksa po kryhen paralelisht hetime dhe analiza.
Anija u ankorua në kalatën e terminalit të kontejnerëve. Më pas do të nisë shkarkimi i tyre për tu zhvendosur në drejtim të Porto Romanos ku dhe është përgatitur vendi për sistemimin e tyre. Kontejnerët do të menaxhohen nga Agjencia e Menaxhimit të Pronave të Sekuestruara dhe Konfiskuara.
