Angelina Jolie po planifikon një fillim të ri në jetën e saj duke u larguar nga SHBA-ja, pasi fëmijët e saj të rriten. Ylli i Hollivudit ka shprehur vazhdimisht dëshirën për t’u vendosur në një vend tjetër pas ndarjes nga Brad Pitt në vitin 2016. Ajo ka gjashtë fëmijë: Maddox, Pax, Zahara, Shiloh dhe binjakët Knox dhe Vivienne. Jolie kishte deklaruar se do të shpërngulej jashtë vendit sapo fëmijët të mbushnin 18 vjeç, dhe burimet sugjerojnë se ajo planifikon të realizojë këtë pas ditëlindjes së binjakëve në korrik.
Një burim tha se ndryshimi është i dukshëm tek Jolie, duke shtuar se ajo duket më e qetë dhe se ndihet e gatshme për një kapitull të ri. Nëse plani i saj realizohet, ajo mund të kalojë një pjesë të konsiderueshme të kohës në Kamboxhi, vendi ku adoptuar Maddoxin, si dhe në Francë dhe Afrikë, ku ka lidhje personale të ngushta.
Aktualisht, Jolie po punon në Londër për filmin e saj të ri në Netflix, “Anxious People”, dhe planifikon të vazhdojë karrierën e saj si regjizore dhe producente jashtë Amerikës. Ajo pritet të shesë shtëpinë e saj të shtrenjtë në Los Angeles dhe të përqendrohet në projekte filmike dhe punët humanitare, ku ka një angazhim të gjatë me OKB-në.
Jolie nuk ka ndërmend të largohet nga fëmijët e saj, të cilët do të kenë bazën e tyre në Los Angeles për shkollim dhe karrierë. Të gjithë fëmijët e saj janë gjithashtu të angazhuar në aktivitete kreative, duke ndjekur pasionet e tyre individuale, nga regjizura deri te vallëzimi dhe moda.
Burimet konfirmojnë se fëmijët janë një forcë motivuese për Angelina Jolie, dhe ajo është e vetëdijshme për punën që e pret pas shpërnguljes nga Los Angeles. Kjo gjendje kësisoj tregon se ajo është gati për të përqafuar një jetë të re dhe për të përmirësuar angazhimet e saj si nënë dhe profesioniste.
