Gjykata e Posaçme ka shpallur fajtorë tre anëtarë të një grupi kriminal të akuzuar për trafik droge, ndërsa ka shpallur të pafajshëm ish-efektivin Adriatik Logli. Në procesin gjyqësor, Ertjan Pjetërgjokaj u dënua me 8 vite burg, dënim që me gjykim të shkurtuar u ul në 5.4 vite, ndërsa Elton Ukaj mori 7 vite burg, i cili me gjykim të shkurtuar u reduktua në 4.8 vite. Bujar Brahaj u dënua me 10 vite për trafik dhe kultivim droge, por me gjykim të shkurtuar, dënimi i tij ra në 6.8 vite. Xhuliano Aliu u dënua me 5 vite burg, ndërsa Kristi Dautaj me 10 vite heqje lirie.
Pjesa tjetër e grupit, e përbërë prej 32 personash, u dënua me një total prej 200 vite e 6 muaj burg. Sipas SPAK, janë evidentuar 13 episode të trafikimit dhe kultivimit të drogës në qytete si Vlorë, Tepelenë, Durrës, Tiranë dhe Lezhë. Hetimet kanë treguar se këto veprime kriminale janë kryer gjatë periudhës nga marsi deri në nëntorin e vitit 2020.
Ky rast është një pjesë e rëndësishme e përpjekjeve për të goditur krimin e organizuar në Shqipëri dhe tregon se organet e drejtësisë po vazhdojnë të punojnë për të zbuluar dhe ndëshkuar aktivitetet ilegale që dktojnë rendin dhe sigurinë publike.
