Një shtetas shqiptar, Neritan Kuka, është ndaluar nga drejtimi i automjeteve për dy vite nga gjykata e North Staffordshire në Britani, pas një incidenti në të cilin u kap duke drejtuar nën efektin e drogës. Më 2 prill, rreth orës 01:00 të mëngjesit, Kuka u ndalua nga policia në High Street, Tunstall, teksa po drejtonte një Audi pa certifikatë teknike, pasi mjeti u pa duke shpejtuar rreth një rrethrrotullimi.
Testimi i drogës në vend rezultoi pozitiv për kokainë dhe kanabis. Analizat e mëvonshme në laborator zbuluan se niveli i kokainës në gjak ishte 141 mikrogramë për litër, kur limiti ligjor është vetëm 10 mikrogramë. Kuka pranoi akuzat në gjykatë, duke përfshirë atë për drejtim nën efektin e drogës dhe për përdorimin e automjetit pa kontroll teknik.
Avokatja mbrojtëse e Kukës pretendoi se ai kishte blerë makinën atë ditë dhe se nuk ishte në dijeni të mungesës së certifikatës MOT. Megjithatë, gjykata e dënoi atë me ndalim drejtimi për dy vite, përveç 12 muajve shërbim komunitar dhe 180 orësh punë pa pagesë. Kuka gjithashtu u detyrua të paguajë 85 paund për kosto gjyqi dhe 114 paund si gjobë administrative.
