Aktivisti Ilir Demalia ka qenë i ftuar në studion e emisionit “Të Vaksinuarit” nga Aulon Kalaja në Fax News ku ka folur ndër të tjera edhe për zgjedhjet lokale të 6 marsit për të cilat tha se i ngjanin një kampionati futbollit ku kampioni ishte shpallur me kohë.
Ai tha se presidenti Meta duhet t’i kishte dekretuar me kohë këto zgjedhje që prej 2 vitesh, por e bëri tani për shkak të situatës ku ndodhej ish kryeministri Sali Berisha. Ai tha se pjesa më e madhe e demokratëve mbështesnin lëvizjen e ish kryeminstrit Sali Berisha dhe u shpreh i bindur se Shkodra ishte e sigurtë që do fitohej nga koalicioni “Shtëpia e Lirisë”.
Demalia: Po të ishim në një zhvillim normal, këto do ishin dekretuar 2 vite më parë. E kupton që këta kanë plan jo politik, por kjo është vetëm përleshje bandash. Meta i dekretoi vetëm për shkak të asaj që i ndodhi Berishës. Këto zgjedhje nuk kanë vlerën e zgjedhjeve politike, nuk kanë rëndësi. Në rastin konkret, unë po të isha në vend të Ramës do i lija të gjitha bashkitë sepse vitin tjetër do bëhen prapë zgjedhje dhe nuk ka shans që të fitojë sërish të gjitha 59 bashkitë.
Këto zgjedhje kanë rëndësi për anët e PD. Të jemi realistë e shoh që pjesa më e madhe e tyre janë me foltoren dhe Basha është një lider që nuk inspiron. Nuk ka asnjë lloj ritmi edhe në fushatën që po bën. Ky është produkt i Berishës. Po si flet tashmë Berisha për “primare” pasi Bashën e mori dhe i dha të gjitha postet.
Ish-kryeministri Sali Berisha ka treguar par demokratëve përplasjen e tij me miliarderin Georg Soros, të cilit i faturon vendimin e SHBA-së për ta shpallur ”Non Grata”.
Sipas ish-kryeministrit, tha se Soros hartoi në Beograd ndarjen e Kosovës, të cilin ai e ka kundërshtuar. Ndërsa më pas thotë Berisha erdhi projekti i mini-Shengenit, që sipas tij ishte vendosja e hegjemonisë serbe në rajon.
“Këtë nismë nuk e kam për vete por për PD-në. Ne kemi një fjalë të urtë, ‘më mirë qiri i fikur, sesa qiri i fëlliqur. Po pse erdhi ky vendim. Në letrën që i ka shkruajtur vetëm një orë pas vendimit, i shkruaj zoti sekretar kjo është vepër e Soros, korrupsionit kryesor të politikës, njeriut që ka lidhje të panumërta. Por ç’kishte Soros me Berishën. Ai harton në Beograd projektin në pamje të parë të ndryshimit të kufijve, në të vërtetë të shpërbërjes së Kosovës. Ishte dhënë para e madhe dhe gojët ishin mbyllur. Por goja ime nuk mbyllej kurrë. Unë e kundërshtova ata që paraqiten në konferenca shtypi projektin ua bëra të qartë që kjo ëshë tradhti e lartë kombëtare. Më akuzuan për konspiracion, ndaj politikës së jashtme të SHBA. Pasi dështuan me këtë nxorën mini-Shengenin. Ishte vendosja e hegjemonisë serbe në rajon,” tha Berisha
