Sekretari i Përgjithshëm i PD-së, Enkelejd Alibeaj deklaroi sot se mirëpret hapin pas të mazhorancës për tërheqjen e përfshirjes së të dënuarve nga GJKKO në listën e amnistisë.
Gjithashtu bëri një hap përpara kur tha se PD jep dakordësinë që në Amnistinë Penale të përfshihen të gjithë protestuesit pavarësisht kohës kur kanë protestuar.
Por çfarë do të thotë kjo për Gazment Bardhin? Kryetari i grupit të PD-së deklaroi se kjo zbuloi “lojën” e Lulzim Bashës për amnistinë që në fund do ta votojë.
“M’u duk si një teatër i mirë orkestruar, uroj të mos ketë qenë kështu, se do të hidhte poshtë edhe një vlerësim që bëra që Basha mbajti për amnistinë.
Por zhvillimet e këtyre 24 orëve të fundit nxorën në pah atë që po gatuhej për të zhvendosur vëmendjen nga protesta e 20 shkurtit. Kjo tregoi se ishte një lojë, bëj sikur biem dakord, pastaj të shkojmë si çeçua për të votuar atë që do qeveria, sikur tha Ulsiu.
Nuk është ky roli i opozitës, të jetë në oponencë me qeverinë dhe të mos bëjë lojën e Taulant Ballës në sytë e të gjithë shqiptarëve” tha Bardhi.
