SHBA – Presidenti Donald Trump ka autorizuar vendosjen e 300 trupave të Gardës Kombëtare në Çikago për të adresuar atë që ai e quan krim jashtë kontrollit. Ky veprim erdhi disa orë pasi autoritetet e imigracionit thanë se u përballën me protestuesit në qytetin e drejtuar nga demokratët dhe qëlluan një grua të armatosur.
BBC shkruan se udhëheqësit shtetërorë dhe lokalë kanë kritikuar planet e vendosjes së Trump duke e quajtur si një abuzim me pushtetin. Guvernatori i Illinois, JB Pritzker, tha se Trump po përpiqej të krijonte një krizë. Ky njoftim erdhi pasi një gjyqtar në Portland, Oregon bllokoi përkohësisht administratën Trump nga vendosja e 200 trupave.
Një reagim mbi këtë situatë ka dhënë edhe gjyqtarja Karin Immergut, e cila e quajti deklaratën e Trump si një veprimi i cili shkelte Kushtetutën dhe nuk ishte i bazuar në fakte.
Sipas Immerg përdorimi i ushtrisë për të shuar trazirat pa pëlqimin e shtetit të Oregonit po rrezikonte sovranitetin e tij. Ajo shtoi gjithashtu se kjo ndezur tensionet në qytet dhe ka shkaktuar rritje të protestave.
Ende është e paqartë nëse trupat kanë mbërritur në Çikago, por çdo vendosje e tillë do të përballet me sfida ligjore. Ky është qyteti i fundit i udhëhequr nga demokratë, i cili është në shënjestër për vendosjen e trupave ushtarkë, pas Washingtonit, Los Anxhelosit, Memfisit dhe Portlandit.
Vendosjet kanë ngritur pyetje si ligjore ashtu edhe kushtetuese, pasi trupat e Gardës Kombëtare zakonisht vendosen nga guvernatori i një shteti dhe ligjet shekullore kufizojnë përdorimin e ushtrisë nga qeveria për çështje të brendshme. Çikago ka parë një rritje të protestave kundër zbatimit të ligjit për imigracionin në qytet, shumë prej të cilave ndodhin jashtë objekteve të Zbatimit të Ligjit për Imigracionin dhe Doganat e SHBA-së.
“Mes trazirave të dhunshme dhe paligjshmërisë së vazhdueshme, të cilat udhëheqësit lokalë si Pritzker kanë refuzuar të ndërhyjnë për t’i shuar, Presidenti Trump ka autorizuar 300 roje kombëtare për të mbrojtur oficerët dhe asetet federale.Presidenti Trump nuk do të mbyllë sytë ndaj paligjshmërisë që pllakos qytetet amerikane.”, tha zëdhënësja e Shtëpisë së Bardhë, Abigail Jackson.
Pak para se Trump të autorizonte trupat, personeli i Patrullës Kufitare të SHBA-së qëlloi një grua në Çikago pasi një grup njerëzish përplasën makinat autoriteteve të ligjit për imigracionin. Trump ka folur për vendosjet e tij të vazhdueshme ushtarake në qytetet amerikane. Ai u tha udhëheqësve ushtarakë se dëshiron që qytetet amerikane të përdoren si fusha stërvitjeje për trupat amerikane në mënyrë që ata të mund të luftojnë armikun nga brenda dhe të shuajnë trazirat.
