Ambasadori gjerman në Shqipëri, Bergner, zhvilloi sot një takim me Kryetaren e Këshillit të Lartë të Prokurorisë (KLP), Mirela Bogdani, dhe disa anëtarë të këtij Këshilli. Gjatë bisedës, ai theksoi rëndësinë që KLP ka në ruajtjen e pavarësisë, integritetit dhe efikasitetit të strukturave të prokurorisë në vend. Ambasadori vlerësoi punën e KLP-së dhe inkurajoi atë të vazhdojë përmbushjen e detyrave me përgjegjësi dhe vetëdije.
Bergner fokusohet gjithashtu tek procesi i zgjedhjes së pasardhësit të Altin Dumanit, aktualit kreu i Prokurorisë së Posaçme SPAK, një detyrë që ai e cilësoi si me rëndësi të veçantë. Sipas tij, nën udhëheqjen e Dumanit, SPAK ka arritur suksese të rëndësishme në luftën kundër korrupsionit dhe krimit të organizuar. Ai shprehu besimin që zgjedhja e re do të realizohet në mënyrë transparente dhe që anëtarët e KLP-së do të orientohen në vendimin e tyre nga kriteret profesionale dhe integriteti i kandidatëve.
Ambasadori theksoi se vazhdimi i këtij kursi është jetik për progresin e mëtejmë në sfidat që ka përpara Shqipëria, veçanërisht në drejtim të sundimit të ligjit dhe forcimit të institucioneve të drejtësisë. Ai e përfundoi intervistën duke shprehur shpresën se KLP do të përmbushë me sukses detyrat e saj dhe do të ruajë vijueshmërinë e reformave në sistemin e drejtësisë.
