Ambasadori i Bashkimit Europian në Maqedoninë e Veriut, Mikalis Rocas, dhe ambasadori italian, Paolo Palminteri, kanë shprehur mbështetje për studentët shqiptarë që kërkojnë zhvillimin e provimit të jurispudencës në gjuhën shqipe. Aktiviteti ishte organizuar nga studenti Mevlan Ademi, i cili theksoi se pohimet e diplomatëve në lidhje me protestën ishin dukshëm pozitive.
Në një reagim në rrjetet sociale, Ademi theksoi se qëndrimet e ambasadorëve nënvizuan legjitimitetin e kërkesave të studentëve. Rocas shprehu nevojën për respektimin e kornizës ligjore dhe standardeve ndërkombëtare, ndërsa Palminteri e cilësoi kërkesën e studentëve si plotësisht legjitime, duke e lidhur atë me gjuhën në të cilën ata kanë ndjekur studimet.
Protesta, e zhvilluar para ministrisë së Drejtësisë në Shkup, kishte si qëllim të kërkonte zbatimin e ligjit për gjuhët, i cili garanton të drejtën e shqiptarëve për shërbime në gjuhën amtare. Thirrja “Gjuha shqipe nuk negociohet” ishte një nga sloganët që u dëgjuan gjatë protestës, e cila ishte drejtuar minist rit Igor Filkov.
Studentët shprehën indinjatën e tyre për vazhdimin e mohimit të kërkesës për zhvillimin e provimit në gjuhën shqipe dhe kërkuan dorëheqjen e minist rit dhe kreut të qeverisë maqedonase, Hristijan Mickoski. Ata kërkuan një ndihmë më konkrete nga shteti për respektimin e ligjit në lidhje me gjuhët.
Studentët që studiojnë në gjuhën shqipe shprehen se provimi i jurispudencës në maqedonisht është një vështirësi. Opozita shqiptare në Maqedoninë e Veriut poashtu shprehu mbështetje për kërkesat e studentëve. Ligji për gjuhët e njeh gjuhën e shqiptarëve si zyrtare, për shkak të përqindjes së komunitetit që shkon mbi 20%. Ky ishte hera e dytë që studentët paraqesin këtë kërkesë, e cila deri tani ka mbetur pa përgjigje nga institucionet, të cilat e kanë justifikuar refuzimin si anti-kushtetues.
