Besnik Mjeshtri, vëllai i autorit të vrasjes në Klos, Fiqiri Mjeshtri, ka rrëfyer detaje tronditëse ditën e sotme për krimin e trefishtë në Klos.
Ai tha se Kenado Shira ka qenë gjallë fillimisht, por është qëlluar më pas sërish me armë zjarri nga Fiqiriu, deri sa të nxirrte shpirt.
Besniku tregon mes të tjerash se i vëllai e ka marrë në telefon para se të vetëvritej, duke i thënë “amanet fëmijët”.
“17-vjeçari ishte më poshtë. Ishte larg Eglit ishte 5 metra te një kazan plehrash. Ai ka qenë gjallë edhe ka qenë i plagosur. E pa gjallë dhe ka shkuar djalit i ka rënë sërish, i tha ti nuk jeton më. Nuk di të fsheh asgjë. Kam parë tmerr. Jam shumë i tronditur. Unë duke bërtit. Ka kryer krimin dhe është larguar në këmbë. Ka ikur në këmbë vëllai.
Bërtisnin me të madhe! I thash ku je? I thash hajde dorëzohu se burgu mbarohet! Bëhu burrë e hajde këtu! Ishte i tronditur… Ka fol Gëzim Murrani me të, pastaj ma kaloi mua telefonin… E më thotë amanet kalamajtë të kesh amanet kalamajtë… I thash hajde se nuk do të lem në rrugë. Amanet edhe një herë fëmijët… Foli dhe me Fatmirin, ky filloi duke qarë. E vrau veten me tha Fatmiri..”, ka rrëfyer Besnik Mjeshtri për Report TV.
