TIRANA- Kreu i Partisë Demokratike Sali Berisha tha sot pas daljes nga ambientet e SPAK se kreu i këtij institucioni mbron gjyqtaren Irena Gjoka. Berisha tha se kreu i SPAK është i marrë peng nga kryeministri Edi Rama dhe vazhdon të mbrojë Irena Gjokën e cila është për të paktën 3 vepra penale, sipas tij. Ai shtoi se për Dumanin vula apostile nuk është dokument absolut. Berisha theksoi se në të gjithë botën, në të gjitha gjykatat, prokuroritë e botës, vula apostile është dokumenti më i pakundërshtueshëm.
Pjesë nga fjala e Berishës:
Të njëjtin qëndrim vazhdon të mbajë ndaj Irenës me 5 mbiemra, figurës më të shëmtuar në rrafshin moral ligjor të drejtësisë shqiptare. Ju e dëgjuat që tha duhen dokumentet. Për Altin Troplinin, këtë mercenar të Edi Ramës, vula apostile nuk është dokument absolut. Në të gjithë botën, në të gjitha gjykatat, prokuroritë e botës, vula apostile është dokumenti më i pakundërshtueshëm. Por i marrë peng nga Edi Rama, vazhdon të mbrojë Irenën me 3 apo 5 mbiemra, e cila është për të paktën 3 vepra penale.
Së pari, mashtrimi që ka bërë në formularin e dekriminalizimit. Së dyti, nuk mund të jetë kurrë një gjykatëse një person që ka fshehur dënimin. Së fundmi, ka hyrë në Gines dhe pasi i ka marrë burrin gruas tjetër, deklaron se kam marrë dhe borxh prej saj. 60 milionë lekë më kanë ardhur prej saj. Nuk kisha dëgjuar kurrë. Si quhen këto? Shemra? Jo, nuk janë shemra këto. Pra, ajo deklaron se këto para i mora hua nga gruaja që i mora burrin dhe këta i firmosin si të vërteta. Një klub i turpshëm, njerëz pa dinjitet, njerëz pa karakter.
