Shkroi: Jane Doe
Kam filluar të mendoj kthjellët. Ditë pas dite, vokacionit tënd për ta bërë RTSH-në të madhe, i shtohet bindja ime se ti po e zmadhon në nivelet e ngrohjes globale.
Krahas inflacionit të halleve, ti po u ofron shqiptarëve një mundësi të shkëlqyer për të parë me vetëm 100 Lekë në muaj një buqetë kanalesh që do na e kish zili edhe Burundi.
Në 1 vit, ke bërë atë që s’e ka bërë asnjë drejtues më parë në histori: e shndërrove televizionin nga shqiptar në indian. 7 mijë emisione, 5 mijë prezantues, 4 mijë kushërinj, 2 mijë komshinj, 500 velina, 200 skllevër, 100 ahengxhinj… dhe ndalomëni, se më ngeli chilli në fyt.
E ke shtuar aq shumë demografinë e Sanatoriumit sa nuk të dalin më as këmishat e forcës.
Në oazin tënd bollivudian parakalojnë figurat më ekzotike në planet; nuk i kemi parë as në rrëfimet aluçinante të Lewis Caroll-it (ai të paktën ishte nën efektin e opiumit). Kuaj pa gojë, mbretëresha pa fron, maçokë pa bisht, Kalimero e Çipmanksa pa diplomë, lepurusha pa orë, e të tjerë personazhe si këto, i gjen vetëm në ratatujën me emrin RTSH.
Mes hungërimave, pëllitjeve e mjaullitjeve, të gjithë këta kuadrot më lart, me Magjistarin Oz në krye (personazh nga një planet tjetër digjital) kanë ndërtuar një workflow që ç’të të them. Ata që e jetojnë nga brenda këtë tragji-komedi thonë që eshtë si të shohësh “The Office” pa abonim (është sitcom, po mos e hap trailer-in, se nuk do kuptosh asgjë).
Për të rifreskuar kujtesën e atyre që kanë humbur epiaodet tona të Sarasvatiçandrës, le t’ju njohim me disa nga profilet e kuadrove më të spikatur të planetit digjital të Ozit të madhërishëm. I kam bërë me skeda, se më thanë janë shumë kollaj për t’u lexuar në “timon” (Havana u na na, mos lexo, se ti nuk je).
DREJTUESJA E NJËSISË SË PROGRAMEVE
Emri: Borëbardha
Mosha: 12, por ngjan si 52
Arsimi: 9-vjeçar
Statusi: #singleosedohidhem
Horoskopi: kuçedra
Hobi: merimangat, zvarranikët
Moto: “Gjatësia është për luzerat”
DREJTORI I PRODHIMIT
Emri: Fik Deti
Mosha: Prehistorik
Arsimi: Instituti i Fizkulturës
Statusi: Gjak blu
Horoskopi: Kërriçi
Hobi: Excel-i, gjithçka që lidhet me shkencat
Moto: “Nuk kam motorr”
DREJTORI TEKNIK
Emri: DJ Tedi (Bear)
Mosha: Digjitale
Arsimi: Julliard School
Statusi: Bën dasma vetëm për të tjerët
Horoskopi: Kanarina
Hobi: Të shkruajë statuse anglisht
Moto: “Big people më frymëzojnë. Më japin shumë konfidenc'”. Nas – Reper amerikan.
DREJTORESHA E PROMOCIONIT & SHITJEVE
Emri: Almita
Mosha: e pjekurisë
Arsimi: Ozit nuk i hyn në punë
Statusi: ish-asistente e Ozit, sot drejtoreshë marketingu
Horoskopi: Kameleoni
Hobi: të punojë njëkohësisht në shtet dhe privat pa u kuptuar
Moto: “Unë nuk të shes”.
DREJTORESHA E BURIMEVE NJERËZORE
Emri: Afrimesha Agallesha
Mosha: Menopauzë
Arsimi: Gjermani
Statusi: E martuar me Fyrherin
Horoskopi: Dosa
Hobi: Të krifet te grimi i RTSH-së
Moto: “Peza for President!”/ “Ein Volk, ein Reich, ein Führer”.
Post Scriptum: Alfredo, skedën tënde do e bëj në qershor 2028.
VIJON…
