Si po shkatërrohet Radio Televizioni Shqiptar nga egoja e sëmurë e të pazotit!
Drejtori i përgjithshëm i RTSH-së, prej ditës së parë të prezantimit të tij me punonjësit, shprehu ëndrrën e tij në sirtar, ta bëj RTSH-në të madhe në epokën e digjitalizimit, ëndërr e kahershme kjo gjatë jetesës së tij në Peqin, ndërsa shihte televizor në adoleshencë, teksa edhe lexonte Homerin paralelisht.
Zhvillimin mediatik të institucionit, besueshmërisë së lajmit, rritjen e cilësisë së programeve, spektaklin, sportin dhe gjithçka ofron televizioni publik, të taksapaguesve shqiptar, ja lamë në dorë ëndrrës së sëmurë dhe inferioritetit të Alfred Pezës. Një individ i cili të gjithë karrierën e tij në media e ndërtoi ndër vite duke qenë inferior përballë personaliteve të medies duke prezantuar veten ngahera me pseudo gazetarinë e tij.
Prej ditës së parë të emërimit të tij si Drejtor i Përgjitshëm e deri më sot, shkarkimet kolektive të bëra në institucion janë burim i egos dhe kompleksitetit përballë personave me eksperiencë, të kualifikuarit, stafit me njohuri mbi punën dhe stafit jetëgjatë në atë institucion.
( Prej burimeve të vërtetuara janë afro 120- 150 të larguar dhe së fundmi disa dorëheqje kolektive nga Drejtoria e Grafikës menjëherë pas shkarkimit pa të drejtë të Drejtorit të Grafikës. )
Nëse në institucionet publike mediatike të Europës, anëtarë të EBU- European Brodcasting Union, pjesë e të cilës është RTSH dhe media si BBC; RAI; France TV; ORF; ERT; RTVE; RTV SLO e shumë të tjerë mes 54 shteteve anëtarë të EBU, do të dëgjoheshin deklaratat e drejtuesëve të përgjithshëm, me karakter skizofrenie, çfarë do të ndodhte?
A do të pranohej poshtërimi i një stafi mediatik pa të drejtë fjale, në të vetmin vend më të lirë të fjalës?
Alfred Peza, teksa shprehet koridoreve dhe mbledhjeve me stafin me ulërima dhe spazma kompleksiteti si:
Cit. Alfred Peza:
“Kush ka mbi 10-20 vjet në RTSH, duhet të largohet! Kush ka kaluar mbi 10 drejtora, duhet të largohet! Kush thotë jo, duhet të largohet! Kush kundështon, duhet të pushohet! Kush jep mendim duhet të dalë nga mbledhja! Kush nuk zbaton urdhërat i mbaron koha! Kujt nuk i shkëlqejnë sytë përballë tij, duhet të largohet! Kush nuk qesh e buzëqesh, por tregon shprehi mërzie, duhet të iki vetë! Kush nuk shkruan në bllok, duhet të pushohet! Etj, etj ….”
Siç edhe dukshëm lexohet, boshti i tij i komunikimit dhe veprimit si Drejtor i Përgjithshëm janë vetëm shantazhet, parullat, kërcënimet, të cilat i përdor me këdo, kudo dhe kurdo! Ndonjërën prej tyre i mungon ta përzgjedhë si kërcënimin më shumë të thënë prej gojës së tij e të mburret në monologje 1-2 orëshe në mbledhjet me stafin e ri të rekrutuar apo në histori të së ardhmes, kur të kujtojë së çfarë i dha RTSH-së me megalomani.
“Të rinjtë” në staf, të cilët po shtohen si kërpudhat helmuese, me analfabetizmin, pa arsimimin, pa eksperiencën në media, pa kualifikime, me konkurse fiktive, me të vetmen aftësi pune spiunimin, si promotorë të nivelit më të ulët të shoqërisë shqiptare, janë aty dhe po shtohen dita ditës.
Alfred Peza është ende në proces të të njohurit të vetvetes! Si i tillë, ende nuk e di se çfarë përfaqëson, pse ndodhet në krye të medias publike RTSH, çfarë horizonti ka apo kujt i drejtohet!
Thirrje për Këshillin Drejtues të Radio Televizionit Shqiptar dhe Komisionit të Medias për vëmendje ndaj situatës së rëndë morale të krijuar në ketë institucion publik, në pritje të zgjidhjes së menjëhershme të marrëdhënieve të punës së z. Alfred Peza si Drejtor i Përgjithshëm në RTSH, me motivacionin: KOHA JUAJ MBAROI !!!!
