Një objekt i dyshimtë para Konsullatës ruse në Selanik ka ngritur në këmbë autoritetet në Greqi.
Sipas medieve greke, bëhet me dije se një person i paidentifikuar ka lënë një çantë të zezë para godinës së Konsullatës dhe më pas është larguar me shpejtësi nga vendngjarja.
Ekipi anti-eksploziv ka shkuar në vendngjarje, duke rrethuar zonën dhe më pas kryen shpërthim të kontrolluar. Policia po punon për zbardhjen e plotë të ngjarjes, si dhe identifikimin e autorit.
