Një alarm për bombë është raportuar në shtëpinë e gjyqtarit të Nju Jorkut, Arthur Engoron, pak orë para seancës për argumentet përfundimtare të gjyqit civil ndaj Donald Trump. Gjykatësi që mbikëqyr një gjyq për mashtrim civil prej 370 milionë dollarësh kundër Donald Trump në Manhattan mori një kërcënim në shtëpinë e tij në kontenë Nassau të enjten në mëngjes, konfirmoi lajmin zëdhënësi i gjykatës Al Baker.
“Ne do të shtojmë nivele shtesë sigurie për shkak të shqetësimit për sigurinë e gjykatësit Engoron. Në këtë moment ne presim që procedurat të shkojnë përpara siç është planifikuar,”- tha Baker për mediat.
Kërcënimi dyshohet se erdhi pasi ish-presidenti Donald Trump sulmoi në rrjetet sociale gjyqtarin, i cili e ndaloi të fliste sot për shkak se nuk pranonte disa kushte, përfshirë atë të abstenimit nga një “fjalim i fushatës elektorale”. Trump akuzoi gjyqtarin Engoron se së bashku me Prokuroren e Përgjithshme e Nju Jorkut, Letitia James, “po punojnë për të ma futur mua”.
Vendimi për Trump, pritet të jepet sot.
