Policia e Sarajevës është vënë sot në lëvizje pas një alarmi për një bombë në Gjykatën Komunale.
Alarmi për bombë erdhi në stacionin e policisë rreth orës 9:30. Menjëherë pas marrjes së njoftimit njësitë policorë kanë mbërritur në vendin e ngjarjes duke bërë të mundur edhe evakuimin e punonjësve.
Ndërkaq shërbimi i ekspertëve po kryen kontrollin e ambienteve për të konstatuar nëse bëhet fjalë për kanosje reale apo ndonjë alarm të rremë.
Raportimet për bomba janë të shpeshta nëpër gjykata dhe pothuajse asnjëherë nuk doli pas kontrollit se bomba ishte vërtet e vendosur.
Këto janë kryesisht raportime të rreme dhe qëllimi i dukshëm i të cilave supozohet se është shtyrja e njërës nga seancat.
