Prurjet e lumit Vjosë po rriten me ritme shqetësuese, duke rrezikuar përmbytjet në disa fshatra të bashkisë Fier. Kreu i bashkisë, Armando Subashi, deklaroi për mediat se niveli i prurjeve në Memaliaj ka arritur 6 metra dhe, duke u rritur, rreziku fillon të shfaqet kur kalon kuotën 6.5 metra. Ai theksoi se zonat në rrezik po monitorohen vazhdimisht.
Në përballje me këtë situatë alarmante, Subashi i bëri thirrje banorëve për të evakuar fillimisht bagëtitë në stanet pranë lumit. Emergjencat e bashkisë janë pozicionuar pranë Urës së Mifolit për të ndërhyrë në rast se lumi dalin nga shtrati. Sipas tij, hidrovorët po punojnë me kapacitet të plotë dhe deri tani nuk kanë raportuar probleme me furnizimin me energji elektrike.
Qeverisja lokale është e angazhuar të mbajë nën kontroll situatën në këtë periudhë delikate, duke kërkuar mbështetje dhe kujdes nga banorët e zonës.
