Prokuroria e Posaçme SPAK ka tërhequr aktet për Erion Alibej, i cili po gjykohej në Gjykatën e Posaçme si porositës i vrasjes së Emiliano Ramazanit dhe Regis Runajt.
SPAK është shprehur se pas dëshmisë së të penduarit të drejtësisë, Nuredim Dumani është e nevojshme që të kryehen hetime shtesë për Alibejn.
Sipas prokurorisë Alibej dyshohet të jetë i peërfshirë në të tjera porosi për vrasje veç asaj të Ramazanit e Runajt. Kërkesa për tërheqjen e kërkesës për gjykim e akteve është bërë nga prokurori i çështjes Behar Dibra.
Erion Alibe akuzohet si porositës i vrasjes së Emiljano Ramazanit e Rigels Runajt në korrik të 2020-ës në Elbasan. Si autorë të krimit janë arrestuar më herët Xhuljano Hoxha dhe Eugen Halili.
Erion Alibej njihej edhe me emrin Andrea Alibej dhe është vëllai i Endrit Alibejt, i cili u ekzekutua në një atentat mafioz në dhjetor të vitit 2018. Ai dyshohet se ka gisht edhe vrasjen e Bujar Çelës, vëllait të Talo Çelës. Alibej rezulton i arrestuar në Itali si i përfshirë në trafikun e drogës.
