Beso Ceno, vëllai i aktores Egla Ceno ka reaguar pas deklaratës së fortë të bërë nga kjo e fundit në shtëpinë e Big Brother Vip se është ngacmuar seksualisht nga moderatori Saimir Kodra, rreth 25 vite më parë.
Në një lidhje me “Wake Up”, Beso Ceno tha se qëndron në krah të motrës së tij dhe se është mbështetësi më i madh i saj. Po ashtu ai shtoi se do i shkojnë deri në fund kësaj çështjeje.
Beso Ceno: Nuk kam qenë në dijeni, pak parë shumë pak video se kam qenë i zënë. Unë personalisht jam një djalë i larguar herët nga Shqipëria, rritur me mentalitet europian, por i ngelur në kohë me jetën shqiptare, disi tradicionale. Unë i mbështes shumë çështjet apo kauzat e femrave sepse jam rritur me Eglën që i vogël. Unë i hipja autobusit 12 vjeç dhe shkoja e shpenzoja shumë kohë në Tiranë tek ajo. Nuk di të them shumë dhe nuk doja t’i përgjigjesha sepse këto janë gjëra që duhet të kesh informacione më parë, por gjithsesi ajo ka përkrahjen time, me rastin e parë që mund të kem mundësi patjetër që do jem pas krahëve të saj dhe pse jo t’i shkojmë deri në fund dhe këto janë gjëra serioze, nuk janë vetëm gjëra që prekin vetëm shoqërinë tonë në Shqipëri, por në mbarë botë.
Pak ditë më parë në një rrëfim brenda shtëpisë, Egla Ceno u shpreh se rreth 25 vite më parë ajo është ngacmuar seksualisht nga Saimir Kodra, i cili atë kohë drejtonte një emision radiofonik në “Top Albania Radio”. Ngjarja dyshohet se është regjistruar rreth 25 vite më parë. Lidhur me këtë çështje, Kodra ka paditur në Gjykatën e Tiranës për shpifje aktoren Egla Ceno.
