Kryeministri Edi Rama ende është duke pritur faljen e qeverisë së Mbretërisë së Bashkuar për akuzat të bëra ndaj shqiptarëve.
Në një intervistë për “Sky news”, Rama tha se është ende në pritje të një faljeje nga Britania për komentet e Sekretares së Brendshme Suella Braverman, e cila e përshkroi emigrimin e shqiptarëve drejt Anglisë si “pushtim”.
Sipas kryeministrit Rama, deklarata e sekretares së Brendshme Britanike, është bërë për qëllime politike.
“Nuk kam dëgjuar ende një falje, gjë që më bën të mendoj se në vend të shprehjes së ekzagjeruar të zhgënjimit, ky ishte një sulm i llogaritur. Dhe kjo është gjëja më shqetësuese. Kur kërkon falje, është në rregull – ndodhi. Kur nuk e bën, dhe kur e shmang, atëherë do të thotë se dëshiron diçka nga ajo që thuhet. Pra, do të thotë se ka një llogaritje pas saj, do të thotë që vërtet po flet me një numër të caktuar votuesish që duan të dëgjojnë këtë.
Dhe ju po i ushqeni me këtë sepse keni nevojë për votat e tyre. Por pasojat e kësaj mund të jenë shkatërruese për njerëzit, për njerëzit tanë në Britani dhe për vetë Britaninë.
Menjëherë është një situatë tjetër, sepse e mira sepse, sepse, sepse… Ne e dimë se çfarë duhet të bëjmë. Duhet të bëjmë gjithçka për të përmirësuar situatën këtu dhe për ta bërë atë gjithnjë e më të mirë për të gjithë.
Por ne e dimë gjithashtu se çfarëdo që të bëjmë, Shqipëria nuk do të jetë Londër, nuk do të jetë Paris, nuk do të jetë Berlin”, tha Rama.
