Autoriteti Kombëtar i Ushqimit ka njoftuar se trupat inspektuese të Drejtorisë Rajonale Tiranë kanë realizuar kontrolle në 18 subjekte që tregtojnë Produkte për Mbrojtjen e Bimëve (PMB) në qarkun e Tiranës, në kuadër të transparencës dhe informimit të publikut.
Gjatë këtyre kontrolleve, janë vendosur masa administrative në 7 subjekte, të cilat përfshijnë “paralajmërime”. Në dy subjekte të tjera, janë dhënë masa administrative në formën e “gjobave”. Një nga subjektet u gjend me produkte PMB të paregjistruara në RSH, për të cilin u morën masa për bllokimin e produktit. Po ashtu, një tjetër subjekt u gjend duke operuar pa licencë për tregtimin e PMB-ve, për këtë rrethanë duke u bllokuar aktiviteti deri në pajisjen e tij me licencë.
Kontrolli i tjerë ka treguar angazhimin e Autoritetit për të mbajtur nën kontroll tregun e produkteve për mbrojtjen e bimëve dhe për të siguruar përputhshmërinë me rregulloret në fuqi. Këto masa janë pjesë e përpjekjeve për të garantuar sigurinë ushqimore dhe mbrojtjen e mjedisit.
Me këtë njoftim, Autoriteti Kombëtar i Ushqimit thekson rëndësinë e kontrolleve sistematike për tregtinë e këtyre produkteve, duke siguruar që vetëm subjektet e rregullta dhe të licencuara të operojnë në treg.
