Imani Smith, aktore e njohur për rolin e saj në muzikalin e Broadway-t “Mbreti Luan”, ka ndërruar jetë në moshën 25 vjeçare. Ajo u gjet me plagë të rënda nga mjet prerës në banesën e saj në New Jersey, duke lënë pas një djalë trevjeçar.
Sipas raportimeve nga mediat, oficerët e policisë morën një informacion dhe mbërritën në vendngjarje, ku e transportuan Smith në spital, ku ajo u shpall e vdekur. Pas hetimeve të bëra, autoritetet arrestuan një person të identifikuar si Jordan D. Jackson-Small, i cili është 35 vjeç.
Ky rast ka tronditur komunitetin dhe shokët e familjarët e Smith, që e kujtojnë atë si një talent të jashtëzakonshëm dhe një nënë të përkushtuar. Hetimet po vazhdojnë për të zbardhur rrethanat e kësaj tragjedie.
