Aktorja Kimberly Hebert Gregory, e njohur për rolin e saj si drejtoresha guximshme Belinda Brown në serialin “Vice Principals”, është ndarë nga jeta në moshën 52 vjeçare. Shkaqet e vdekjes ende nuk janë bërë të njohura.
Lajmin e vdekjes e bëri të ditur ish-bashkëshorti i saj, Chester Gregory, përmes një postimi emociona në Instagram, ku e përshkroi atë si një grua të shkëlqyer dhe një shoqe të çmuar, duke theksuar se “djali ynë, kënga që shkruam së bashku, është një jehonë e gjallë e dritës tënde.”
Roli në “Vice Principals” i sjellë asaj njohje ndërkombëtare, ndërsa aktori Walton Goggins, i cili ka punuar me të në këtë serial, e përkujtoi atë si një nga më të mirat dhe shprehu nderimin për njohjen dhe bashkëpunimin me të.
Përveç “Vice Principals”, Kimberly Hebert Gregory ka pasur një karrierë të pasur në televizion, duke luajtur në seriale të njohura si “Grey’s Anatomy”, “The Big Bang Theory”, “New Amsterdam”, “Shameless”, “Gossip Girl”, “Two and a Half Men” dhe “Better Call Saul”, duke lënë pas vetes një trashëgimi të njohur në industrinë televizive.
Fansat dhe kolegët e saj nga e gjithë bota po shprehin ngushëllime dhe përkulje përmes mediave sociale, duke e kujtuar atë jo vetëm si një aktore të talentuar, por gjithashtu si një person të jashtëzakonshëm me një ndikim të rëndësishëm në jetët e të tjerëve.
