Abc mëson detaje lidhur me aksidentin e rëndë të ndodhur mbrëmjen e 12 gushtit në aksin Levan-Tepelenë. Dy automjete u përplasën dhe si pasojë mbetën të plagosur 2 drejtuesit e tyre dhe 6 pasagjerët.
Sipas të dhënave nga Spitali Rajonal i Fierit dhe të afërm të të aksidentuarve, mësohet se 2 të lënduar janë dërguar në Tirane në gjendje të rëndë.
Një prej të plagosurve është shtetase italiane.
Për momentin, 1 person është në reanimacin, shtetas italian, dhe 1 tjetër ne observacion.
Aksidenti ka ndodhur rreth orës 20:40 në vendin e quajtur Malas, Mallakastër.
Njoftimi i djeshëm i policisë:
Sot, rreth orës 20:15, në aksin rrugor Tepelenë-Mallakastër, në fshatin Malas, shtetasi E. Gj., 36 vjeç, duke drejtuar automjetin tip “Benz” është përplasur me automjetin tip “Renault” me drejtues shtetasin D. L., 32 vjeç.
Si pasojë e përplasjes janë dëmtuar dy drejtuesit e automjeteve dhe gjashtë pasagjerët, A. Gj., 25 vjeçe, A. Gj., 23 vjeçe, dy fëmijë të mitur 2 vjeç dhe 3 vjeç(pasagjerët e automjetit tip “Benz”); K. M., 30 vjeçe, C. R., 31 vjeç, (pasagjerët e automjetit tip “Renault”), të cilët ndodhen në spitalin e Fierit nën kujdesin e mjekëve.
Grupi hetimor po punon për zbardhjen e shkaqeve të aksidentit.
