Një aksident i rëndë ka ndodhur pasditen e sotme në aksin Korçë-Maliq, pranë urës së Bulgarecit, ku një automjet është përplasur me një kamion. Si pasojë e përplasjes, të dy mjetet janë përmbysur dhe kanë dalë jashtë rrugës.
Policia ka njoftuar se shoferi i automjetit tip “Chevrolet”, i identifikuar si K. N., rreth 35 vjeç, ka humbur jetën në vendngjarje, ndërsa pasagjeri në këtë mjet, shtetasi E. Dh., ka mbetur i plagosur dhe është dërguar në spital për trajtim. Grupi hetimor po vijon hetimet për të zbardhur shkaqet e këtij aksidenti tragjik.
