Një aksident i rëndë rrugor shënoi një natë problematike në autostradën Tiranë-Elbasan, pranë Bërzhitës, në daljen e tunelit në drejtim të Tiranës. Incidenti përfshiu tetë makina dhe ndodhi mbrëmjen e sotme.
Në vendngjarje janë dislokuar dy ambulanca, dy zjarrfikëse dhe një patrullë policie, e cila po menaxhon situatën. Sipas informacioneve, aksidenti ka shkaktuar kryesisht dëme materiale, por dy persona kanë nevojë për ndihmë mjekësore dhe janë transportuar me ambulancë.
Përveç dëmeve materiale, situata është ndihmuar nga prania e shërbimeve emergjente. Aktualisht, autoritetet po punojnë për të zbardhur rrethanat e plota të aksidentit.
