Një aksident rrugor ka ndodhur rreth orës 17:10 në aksin e Lungomares, ku një mjet tip Fiat, i drejtuar nga 72-vjeçari Dukë Muço, goditi dy këmbësore të dyja rreth 70 vjeç, Vigjilenca Rapi dhe Nermin Mukaj. Shërbimet emergjente transportuan të plagosurit në Spitalin Rajonal Vlorë, ku aktualisht ndodhen jashtë rrezikut për jetën.
Pas aksidentit, drejtuesit të mjetit iu nënshtrua një testi për alkoolin, i cili rezultoi negativ me 0.000 mg/l. Pas këtij procesi, Muço u shoqërua në ambientet e Drejtorisë së Policisë së Vlorës. Hetimet për ngjarjen janë ende në zhvillim për të sqaruar rrethanat e aksidentit.
