Rreth orës 09:20, në Komisariatin e Policisë Pukë u regjistrua një telefonatë nga shtetasi Gj. T., i cili njoftoi për një person të shtrirë pranë antenave në fshatin Krrabë. Menjëherë, shërbimet e Policisë, së bashku me ekipet e emergjencës civile dhe shëndetsore, u dërguan në vendngjarje, e cila ndodhet në zonën e Midës.
Pas verifikimeve të kryera, u identifikua si i shtriri shtetasi L. K., rreth 50 vjeç, punonjës i një kompanie celulare. Ai dyshohet se kishte shkuar për të rregulluar një defekt në një antenë të kompanisë. L. K. u transportua me helikopter në Spitalin e Traumës për ndihmë mjekësore.
Aktualisht, një grup hetimor, i udhëhequr nga Prokuroria, po punon për zbardhjen e rrethanave të këtij incidenti, për të sqaruar më tej se çfarë ndodhi dhe arsyet e ngjarjes.
