FIER- Një aksident rrugor ka ndodhur ditën e sotme në aksin Fier-Levan. Një automjet tip “Ford” ka dalë nga rruga në vendin e quajtu “Qafa e Koshovicës” dhe si pasojë është përplasur me një shtyllë të tensionit të lartë.
Sipas raportimeve, dy persona kanë mbetur të plagosur dhe janë dërguar me urgjencë në spitalin rajonal të Fierit, ku ndodhen jashtë rrezikut për jetën. Dyshohet se drejtuesi i automjetit ka humbur kontrollin për shkak të një parakalimi të gabuar të një furgoni që i ka prerë rrugën.
Policia dhe grupi hetimor ndodhen në vendngjarje dhe po kryejnë të gjitha veprimet procedurale për të zbardhur shkaqet e këtij aksidenti.
