Një aksident i rëndë ka ndodhur pasditen e sotme në aksin Vlorë-Novoselë, në afërsi të fshatit Bestrovë.
Mësohet se një automjet ka përplasur dy turistë francezë që po udhëtonin me biçikleta. Si pasojë e plagëve të marra raportohet se gruaja ka ndërruar jetë rrugës për në spital, ndërsa burri ndodhet në gjendje të rëndë.
Në vendngjarje ka mbërritur Policia dhe ambulanca, e cila ka transportuar të plagosurit në spital. Bëhet me dije se shoferi i cili ka shkaktuar aksidentin fatal është shoqëruar në Polici.
