TIRANË- Një aksident i rëndë rrugor me pasojë vdekjen ka ndodhur pasditen e sotme në Rrugën e Arbrit. Dy makina janë përplasur në vendin e quajtur “Shkalla e Tujanit”. Si pasojë e përplasjes së automjeteve ka humbur jetën një nga drejtuesit, rreth 29 vjeç.
Ndërkohë është dëmtuar dhe pasagjeri që ndodhej në makinë me viktimën. 25-vjeçari i plagosur ndodhet në spital nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.
NJOFTIMI I POLICISË:
Tiranë/Informacion paraprak
Rreth orës 16:55, në vendin e quajtur “Shkalla e Tujanit” automjeti me drejtues shtetasin O. N., rreth 35 vjeç është përplasur me automjetin me drejtues shtetasin M. Sh., rreth 29 vjeç.
Si pasojë ka humbur jetën 29-vjeçari, si dhe është dëmtuar pasagjeri po në këtë automjet shtetasi H. L., rreth 25 vjeç, i cili ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
