Një aksident rrugor është regjistruar në segmentin Pukë–Qelëz, pranë kthesës së Qerretit të Vogël. Sipas informacionit të parë, një automjet tip “Audi” ka dalë nga rruga dhe ka rënë në një greminë.
Si pasojë e aksidentit, drejtuesi i mjetit, Bardhok Pushtrija, është nxjerrë me ndihmën e shërbimeve të emergjencës dhe është transportuar me urgjencë në Spitalin Rajonal të Shkodrës për ndihmë mjekësore.
Në vendngjarje, janë pranishme shërbimet e policisë dhe të emergjencës, të cilat po punojnë për zbardhjen e shkaqeve të aksidentit. Detaje të tjera rreth përplasjes dhe gjendjes së viktimës pritet të publikohen pas përfundimit të hetimeve.
