Një aksident i rëndë ka ndodhur paraditen e sotme në zonën e Porcelanit në Tiranë, ku katër automjete janë përfshirë në një përplasje masive. Sipas burimeve nga vendngjarja, fatmirësisht nuk ka pasur të plagosur, por ka dëme materiale të konsiderueshme.
Ngjarja ka filluar kur një automjet tip Volkswagen Caddy ka dalë nga ambienti i një lavazhi dhe ka përplasur një automjet tip Audi. Si pasoje, Audi ka devijuar nga rruga dhe është përplasur me dy automjete të tjera, duke çuar në fundosjen e tyre në trotuar.
Policia është mobilizuar në vendngjarje për të grumbulluar të dhëna dhe për të vijuar procedurat ligjore. Hetimet janë në vazhdim për të përcaktuar shkaqet e aksidentit dhe përgjegjësitë e mundshme në lidhje me ngjarjen.
